Kinumpirmaran ti Department of Justice (DOJ) a pimmanaw iti pagilian ni dati a Department of Public Works and Highways (DWPH) Secretary Manuel Bonoan.
Segun ken ni DOJ Spokesperson Atty. Polo Martinez, nagbiahe nga agturong idiay Amerika ni Bonoan tapno kaduaen ti asawana a dumalan ti medical procedure.
Manamnama nga agtalinaed ni Bonian idiay Amerika agingga December 17.
Inlawlawag ti DOJ nga iti agdama ket awan ti legal prohibition wenno mangiparit ken ni Bonoan nga agbiahe iti sabali a pagilian.
Iti baet dayta ket nakaipasidong iti Immigration Lookout Bulletin (ILBO) ni Bonoan a maysa kadagiti agdama a maim-imbestigaran iti Independent Commission for Infrastructure (ICI) gapu kadagiti maanomalya a flood control projects iti gobioerno.
Segun ti Bureau of Immigration (BI), pimmanaw itattay ni Bonoan ken dimmalan idiay Taiwan.
