Manamnama a marikna ti danger level heat index iti dua a lugar ita nga aldaw iti pagilian kas kinuna ti PAGASA.
Segun ti state weather bureau, mapasaran ti heat index a 43°C idiay Dagupan City, Pangasinan idinto a posible a marikna agingga 42°C idiay CBSUA-Pili, Camarines Sur.
Ti temperatura iti nagbaetan ti 42°C ken 51°C ket maibilang a danger category a mabalin a mangitunda ti risgo ti salun-at a kas ti heat cramps, heat exhaustion ken heat stroke.
Idiay Metro Manila, manamnama a marikna ti 38°C iti NAIA Pasay City idinto nga iti Science Garden, Quezon City ket manamnama nga umabot iti 36°C.
Ti heat index manipod 33°C agingga 41°C ket nakaipasidong ti extreme caution category a posible ti heat cramps ken heat exhaustion, ken ti agtultuloy nga aktibidad ket mabalin a mangitunda iti heat stroke.
