Inkonsiderar dagiti doktor ni Pope Francis a leppasenen ti treatment-na kalpasan iti tallopulo ket walo a panagtalinaed ti santo papa iti ospital a gappuanan pay ti dandani a pannakatayna.
Segun ti medical team head ti Santo Papa a ni Dr. Sergio Alfieri, napasaran ti nakaru a breathing crisis ti Santo Papa idi February 28 isu a pagpampanunotan dagiti doktor nu maisardengen ti panagpaagasna.
Pinagpanunotanda nu maisardengen wenno maituloy latta iti panagpaagasna ken panagtherapy-na uray narisgo iti pannakadadael iti dadduma nga organ-na.
February 14 idi naospital ni Pope Francis gapu ti bronchitis a kimmaru ken nagresulta iti double pneumonia.
Kanayon iti panag-update iti Vatican iti kasasaad ti Santo papa pakairamanan iti uppat a respiratory crisis gapu iti nakaru a panag-uyekna ken rason iti panagsakit iti pagnaan ti angina kas ti asthma attacks.
Segun ti medical team head, namindua a daras a nagpeggad ti biag ni Pope Francis ngem kalpasan iti kritikal a kasasaadna ket naituloy latta iti panagagasna
Innayonna nga iti nagsasaruno nga aldaw ket nagpeggad ti Santo Papa a mabalin a pakadadaelan ti kidney ken bone marrow-na ngem adda dimmalanan ti agasna ken nakissayan ti lung infection na.
