Umabot iti P247.37 million ti gatad a nadadael iti sektor ti agrikultura kadagiti innem a rehion iti pagilian gapu iti nagsaruno a bagyo ken habagat.
Maibasar iti datos manipud iti DA-Disaster Risk Reduction and Management Operations Center, nasurok a 12,000 a mannalon manipud iti nasurok a 10,000 nga ektaria a pagmulaan ti naapektaran.
Dagiti nadadael a produkto ket pakairamanan ti pagay, mais, ken dingwen.
Kabayatanna, umabot iti 9,491 metriko tonelada a produkto ti agrikultura ti nadadael gapu iti layus, napigsa a tudo ken angin iti Ilocos Region, Cagayan Valley, Central Luzon, CALABARZON, MIMAROPA, ken Western Visayas.
Impasigurado ti DA nga umawat dagiti apektado a mannalon iti tulong, pakairamanan ti libre a bin-i ti pagay, mais, ken nateng.
