VIGAN CITY – Awan pay iti naiparuwar ti National Disaster Risk Reduction and Management Council (NDRRMC) a gatad wennu computed damages dagiti nadadael gapu ti napigsa a gingined a napasamak idiay Davao del Sur idi malem ti Domingo.
Ti pannaki-uman ti Bombo Radyo Vigan ken ni NDRRMC- Office of the Civil Defense spokesman Mark Timbal, agtultuloy pay laeng iti isaysayangkat da a damage assessment kadagiti nadadael iti gingined isu nga awan pay iti maiparuwar da a gatad nu manu dagiti istruktura a nadadael.
Karaman kadagiti nadadael iti gingined ket uppat a pulo ket maysa a public structure, siyam ti totally damaged ken tallo pulo ket dua ti partially damaged ngem adalen to pay dagiti engineer nga adda iti ground nu mabalin pay a masimpa wennu saanen.
Malaksid kadagiti public structure a nadadael, nasurok pay a sangaribo ti bilang dagiti pagtaengan a nadadael, pakairamanan ti sangagasut dua pulo ket walo a pagadalan ken sangapulo ket siyam a health facility kas ti ospital, clinic ken health center.
