Impaganetget ni Senate Blue Ribbon Committee Chairman Erwin Tulfo a tutukan ti komite ti panangibutaktak dagiti substandard a proyekto ti Department of Public Works and Highways (DPWH) ken iti panang-dusa kadagiti adda ti likudan na dagituy.
Pinasingkedan ni Tulfo a masapul ti imbestigasion kadagituy gapu ta idi napalabas laeng ket narba ti maysa a dakkel a retaining wall iti EDSA-Ayala northbound idiay Makati City gapu ti agsasaruno a bagyo.
Dagus daytoy a kinondenar ni DPWH Secretary Vince Dizon kalpasan a natakuatan a ti narba a paset ket naaramid laeng iti nalag-an nga hardiflex imbes a natibker a semento.
Kabayatanna, inlawlawag ni Tulfo a pokusan ti Blue Ribbon Committee dagiti nakapenpen nga isyu ti korapsion ken dadduma pay nga ahensia ti gobierno.
