Makaawat ti sag-P50, 000 dagiti pamilia a naminatayan iti napasamak a magnitude 7.8 a ginggined idiay General Santos City ken kaasideg a lugar.
Daytoy ti impakaammo ni Presidente Ferdinand Marcos Jr. kagiddan ti panag-inspeksion na ken panang-bisita na dagiti umili a naapektaran.
Segun ti presidente, inikkan na pay ti P10 milyon ti mayor ti General Santos City tapno mapasimpa ti city hall a nadadael.
Ti pondo ket aggapu iti Local Government Support Fund (LGSF).
Para met kadagiti uppat a ribo a naawanan ti trabaho gapu iti didigra ket makaawat ti sag-P5, 000 iti salinong ti Assistance to Individuals in Crisis Situations (AICS).
Pinasingkedan pay ni presidente Marcos a mangiruar pay ti Department of Budget and Management (DBM) ti pondo manipud iti LGSF para kadagiti nadadael nga istruktura idiay Sarangani Province ken South Cotabato.
