Pinasingkedan ti Department of Foreign Affairs (DFA) a makikamkammayet dagiti opisyal manipod Norwegian Foreign Ministry kadagiti maseknan nga otoridad tapno adalen ken ikkaten iti Pilipinas iti listaan kadagiti pagilian a maibilang a high-risk para iti money laundering ken terrorist financing.
Ti addang ket kalpasan iti maysa nga insidente a nakairamanan ti ina ni Filipino journalist a ni Gretchen Ho a saan a napalubosan a nagisukat ti US dollars iti maysa a foreign exchange stall iti Gardermoen Airport iti Oslo.
Segun ti DFA, naammoan a ti counter ket sumursurot iti maysa nga “outdated list” a karaman iti Pilipinas iti Financial Action Task Force (FATF) gray list.
Nakalanad iti listaan dagiti pagilian nga adda pagkurangan iti anti-money laundering ken counter-terrorism financing regimes-na.
Opisyal a naikkat iti Pilipinas iti gray list ti FATF idi February 2025 ken iti gray list iti EU idi August 2025 kasaruno kadagiti reporma a nangpapigsa ti anti-money laundering ken counter-terrorism financing.
