--Ads--
Pinapigsa ti Department of Agriculture ti kampania kontra kadagiti peke a fertilizer kasaruno ti naisayangkat nga operasion idiay Nueva Ecija.
Segun ti DA, nagisayangkat ti entrapment operation ti Talavera Municipal Police Station kalpasan a nakaawat ti reklamo manipud iti maysa a manufacturer mainaig ti maipagarup a panagilako dagiti peke a fertilizer product.
Nagresulta ti operasion ti pannakaduktal ti maysa a mapapati nga unregistered warehouse ken manufacturing facility idiay Barangay Sta. Monica, Rizal, Nueva Ecija.
Sumagmamano a fertilizer products ti nakumpiskar dagiti otoridad iti nadakamat a lugar.
-- ADVERTISEMENT --
Iti dua nga agsina nga operasion, umabot iti 778 a sako ti fertilizer ti nasalamaan a mapatta-patta nga aggatad ti nasurok [P748, 000.
