Palawaen ti Department of Agriculture (DA) ti programa a ‘Benteng Bigas, Meron Na” idiay Metro Manila tapno ad-adu a marigrigat ken vulnerable sector ti magunggonaan ti P20 kada kilo a bagas.
Segun ken ni Agriculture Secretary Francisco Tiu Laurel Jr., target ti ahensia nga agipatakder ti saan a bumaba iti lima a P20 rice outlets iti tunggal lokal a gobierno iti National Capital Region.
Pinasingkedan met ni DA-Agribusiness and Marketing Assistance Service Director Junibert de Sagun a ti target ti full-scale expansion ti programa sakbay a malpas ti Marso 2026.
Priyoridad iti programa dagiti senior citizens, solo parents, persons with disabilities, 4Ps beneficiaries, minimum wage earners, miyembro ti TODA, mannalon, mangngalap ken dadduma pay a kualipikado a grupo.
