Nangilatang ti Department of Agriculture (DA) iti umabot P190 million para iti pannakaipatakder iti dua a moderno a municipal fish port idiay Malalag ken Sta. Cruz, Davao del Sur tapno mapapigsa ti produksyon ken pagbiagan dagiti mangngalap.
Segun ken ni DA Secretary Francisco Tiu Laurel Jr., makatulong dagiti pasilidad iti panagkissay ti post-harvest losses, panangpadaras iti distribusyon iti ikan ken panangpapigsa ti food security.
Target a malpas ti Phase 2 iti Malalag Fish Port iti umuna a quarter iti 2027 bayat a manamnama a makompleto ti Sta. Cruz Fish Port iti umuna a paset iti 2027.
Manamnama pay a makapartuat dagiti proyekto kadagiti trabaho ken manglukat iti oportunidad iti cold storage, fish processing, logistics ken dadduma pay maipanggep ti industria.
