Umabot iti P12.5 milion ti nairekord a damages iti agrikultura ti Department of Agriculture manipud kadagiti 4 a rehion iti pagilian gapu iti epekto ti bagyo Inday.
Iti inruar a datos ti DA-Disaster Risk Reduction and Management Operations Center, umabot iti nasurok 1-K ti bilang dagiti mannalon manipud kadagiti nasurok 500 nga ektarya ti pagtalonan idiay CALABARZON, MIMAROPA, Western Visayas, ken Negros Island Region ti naapektaran iti nasao a bagyo.
Karaman kadagiti nadadael a mula ti pagay, mais, ken dagiti taraken a dingwen.
Impasigurado ti ahensia a maikkan iti tulong, kas dagiti bin-i ti irik, mais, ken nateng dagiti apektado a mannalon, idinto a saan a mapatawan iti interes ti P25-K a pautang ti Agricultural Credit Policy Council, uray dagiti agas ken biologics para iti livestock ken poultry.
