Pinasingkedan ti Department of Agriculture (DA) a mangisayangkatda iti binulan a panag-review iti maximum suggested retail price (MSRP) a P58 kada kilo para iti premium imported rice, ta add posibilidad a maibaba daytoy inton sumaruno a bulan no dagiti global trends ti mangidiktar iti aniaman nga adjustments.
Segun ti DA a mangisayangkatda iti binulan a panag-review iti MSRP ti premium imported rice nga awan ti nasursurok ngem 5% broken grains, tapno adda iti ganansia dagiti importers, traders, ken retailers iti P10 kada kilo.
Masapul nga ikalintegan dagiti retailer a lumablabas iti MSRP ti presioda kadagiti otoridad, ta immunan nga imbaga ni Agriculture Secretary Francisco Tiu Laurel Jr. a saan a lumbes iti P50 kada kilo ti imported rice a 25% broken.
Ti kaudian a record manipud iti monitoring ti DA, ti presio dagiti imported commercial rice kadagiti merkado ti Metro Manila ket manipud P45.00 agingga iti P54.00 kada kilo maibasar ti variety-na.
