Nagtulagen ti Department of Agriculture ken dagiti stakeholders iti hog industry a mailaklaka ti presyo iti karne a baboy iti tiendaan.
Dayta iti resulta iti naisayangkat a taripnong ti Department of Agriculture iti grupo ti Samahang Industriya ng Agrikultura.
Segun ken ni DA Spokesperson Assistance Secretary Arnel de Mesa, unanimous ti pangngeddeng dagiti layers, retailers, biahero ken dadduma nga stakeholders a pagbalinen a P380 ti presyo ti kada kilo ti liempo idinto a ti kasim ken pigue P350 kada kilo ken ti sabit ulo ket P300.
Mangrugi ti implementasyon ti Maximum Suggested Retail Price (MSRP) inton March 10.
Kinuna ni De Mesa nga idiay National Capital Region pay laeng a maipatungpal ti pork MSRP kangrunaan kadagiti wet markets.
Katinnulong ti DA iti panagmonitor ti Department of Trade and Industry (DTI) ken ti Philippine National Police (PNP).
