Ururayen ti Department of Agriculture (DA) ti approval ti Commission on Elections (Comelec) iti subsidized rice sale iti Kadiwa outlets idiay Metro Manila.
Segun ken ni Agriculture Secretary Francisco Tiu Laurel Jr., napagtutulagan a marugian ti pannakailao iti bagas a P20 kada kilo inton Biernes ngem masapul pay nga umuna ti pammalubos ti Comelec.
Nu kas bilang saan a maipaubos ket surotenda ti Comelec ken rugian iti panagilako kalpasan ti eleksyon.
Ti partial exemptions manipod election spending ban para iti P20 kada kilo iti bagas ket naipalubos idi napan a lawas ngem masapul nga agkiddaw dagiti local government units iti exemption.
Ti programa ket manamnama a mairusat idiay Cebu inton bigat ken sumaruno kadagiti Kadiwa Centers idiay Metro Manila inton Biernes.
Manamnama a P10 billion agingga P12 billion ti pukaw iti gobierno gapu iti subsidized rice ngem inlawlawag ni Laurel nga ad-adu pay iti pukaw nu saan a mai-dispose nga insigida ti rice stocks iti National Food Authoity.
Impakaammo ni President Ferdinand Marcos Jr. a nangilatang ti P4.5 billion manipod ti contingency fund tapno masubsidized iti proyekto.
