--Ads--
Inlawlawag ti Department of Agriculture nga awan ti ang-angkaten ti Pilipinas a presko nga ube wenno purple yam.
Nagballaag ti Bureau of Plant Industry a nasken nga agannad kadagiti produkto a mailaklako nga imported a presko nga ube ta mabalin a kasapulan pay daytoy nga iberipika ti otoridad.
Segun iti DA, maiparparit ti panagserrek ti presko nga ube manipud iti sabali a pagilian tapno maliklikan ti panagraira ti peste ken sakit a mabalin a mangapektar iti agrikultura.
Ti lokal a suplay ti presko nga ube ket kangrunaan nga aggapu iti Benguet ken Mountain Province, ngem gapu ta limitado ti produksion ket ngumina ti presio.
-- ADVERTISEMENT --
