Napalaus iti panagyaman ken ragsak ni CJ Cabreros, cyclist a taga-San Antonio, Narvacan, Ilocos Sur ken Grade 10 student iti Narvacan National Central High School iti pannangabakna iti dua a gold medal iti naisayangkat a PhilCycling 2025 National Road Championship iti biang ti Men Youth (15-16) Criterium Category a naisayangkat idiay Tagaytay.
Iti pannaki-uman ti Bombo Radyo Vigan ken ni Cabreros, sakbay iti pannakagun-odna iti dua a medalya ket nagsakripisyo iti panagsanayna ta tunggal malpas iti klasena ket isu iti panag-trainingna.
Segun ken ni Cabreros, adun iti simalianna mainaig iti panagbisikleta ta uppat a tawenen manipod nangrugi a nakisalip ket napadasanna iti nag-top 15 idi kallabes.
VIDEO – CYCLIST CJ CABREROS
Pinasingkedan ni coach Jemico Liberato Brioso a nupay narigat ket kanayon ti panangbilinna ken ni Cabreros nga agsanay latta uray saan unay nga adayo kas panagsagana iti kompetisyon, banag a sinurot ti siklista isu nga uray weekends ket agtraining a gappuanan ti pannakagun-odna iti gold medal.
VIDEO – COACH JEMICO LIBERATO BRIOSO
Kabayatanna, addanto pay maisayangkat a pasalip inton March 7, 8 ken 9 iti agdama a tawen idiay Clark, Pampanga isu a namnamaen ni Cabreros iti pannakagun-odna manen iti medalya.
