Curlee, kinontrana ti dinakamat ti asawana a siam a kompaniada ti nagbibinnalubal iti bidding

Mapapati a madanagan laeng ni Sarah Discaya isu a naibagana a siam a kompania ti pamiliada ti nagbabalubal iti maysa a bidding mainaig kadagiti flood control project.

Dayta ti pinasingkedan ti asawana a ni Curlee Discaya idi saludsoden ni Sen. Risa Hontiveros iti panagdengngeg ti Senate Blue Ribbon Committee.

Idi saludsoden manen ni Hontiveros no naaramid ti panagbabalubal kadagiti kompania iti Quezon City, insungbatna a saanda a nagbabalubal para iti bidding, maibasar iti recordda.

Maikontra daytoy iti immuna a dinakamat ni Sarah a naggigiddan a nag-bid dagiti siam a kompania.