Agtalinaed iti kustodia ti Senado ti kontratista a ni Curlee Discaya kalpasan a saan nga inawat ti Pasay Regional Trial Court Branch 298 ti petisionna para iti Writ of Habeas Corpus.
Maibasar iti decision ti korte, awan ti basaran ti decision ni Discaya kontra iti Senado.
Pinabileg pay daytoy ti turay ti Senado a mangibalud iti asino man a ma-contempt, a mayataday iti Konstitusion kas paset iti imbestigasion tapno makaaramid iti linteg.
Immunan a kiniddaw ni Discaya ti pannaka-wayawayana gapu iti mapapati nga iregularidad iti agtultuloy a panagtalinaedna iti kustodia ti Senado.
Maipalagip a naibalud ni Discaya idi September 18 kalpasan a na-cite in contempt gapu iti mapapati a panagulbodna iti hearing ti Blue Ribbon Committee mainaig kadagiti anomalya iti flood control projects.
