Bimmaba ti 7.75% ti crime rate iti intero a pagilian manipod August 2024 agingga June 2025 kas pinasingkedan ti Philippine National Police (PNP).
Segun ken ni PNP Chief PGen. Nicolas Torre III, pakabuklan a 177,735 nga insidente laeng iti nairekord iti nasao a panawen a nababbaba kumparar iti 192,677 a kaso iti isu met la a bulan idi napalabas a tawen.
Impaganetget ni Torre a pammaneknek laeng dayta a napainget ti anti-criminality operations ken nalawlawan ti presensya iti kapulisan iti agduduma a paset iti pagilian.
Manipod July 1, 2022 agingga August 10, 2025 ket nakaisayangkat ti PNP iti 153,609 operations kontra iti illegal a droga a nagresulta iti pannakakemmeg iti 190,568 nga indibidual ken pannakaala iti droga a mapatta-patta a P54.6 billion.
Innayon ni Torre nga agtultuloy iti panangpainget ti PNP ti estratehiyada kontra iti agduduma a kriminalidad kangrunaan nu maipanggep ti cybercrime.
