VIGAN CITY – Pinadayawan ti Philippine Coast Guard dagiti nasurok pitopulo a crew ti BRP Cabra ken BRP Bagacay a nangisalakan kadagiti Pilipino a suldado a pinangtaan ti China Coast Guard bayat ti resupply missionda iti Ayungin Shoal.
Naiyuswat ti seremonya idiay Buliluyan Port Bataraza, Palawan ket personal nga inted ni PCG Commandant Admiral Ronnie Gavan ti distinguished Coast Guard Cross ken Ribbon kadagiti Crew ti nadakamat a dua a barko.
Ti BRP Cabra ken BRP Bagacay ket isu iti maar-aramat iti regular a maritime patrol a mangkita iti kinatalged dagiti mangngalap a Pilipino iti West Ph Sea.
Malaksid iti panagpatrolya, mangipapaay seguridad ti dua a barko kadagiti resupply mission ti Armed Forces of the Philippines idiay BRP Sierra Madre nga adda iti Ayungin Shoal.
