VIGAN CITY– Kiniddaw ti Cordillera People’s Liberation Army (CPLA) nga agbalin nga autonomous region ti Cordillera Administrative Region (CAR) kas ti Autonomous Region for Muslim Mindanao tapnu addan ton iti kabuk-bukodan da a pondo ken lider.
Dayta a kalikagum ket binigbig ni Office of the Presidential Adviser on the Peace Process Jesus Dureza agsipud ta napintas nga addang tapnu magun-od iti pudno a kappia, linak ken talna.
Segun ken ni Dureza, addan dagiti programa iti gobierno a nakasagana para kadagiti rebel returnees tapnu maituloy iti panagbiyag da nga adayo kadagiti nakairuwaman da a panagkikil kadagiti tattao.
Kagiddan iti dayta ket inallukoy iti OPAPP head dagiti sabali pay a grupo nga imbes a kumontra ket agsubli dan laengen iti sidong iti gobierno tapnu agbiyag da a natalinaay ken nawaya.
