VIGAN CITY – Dua manen a baro a kaso ti naimaldit ditoy probinsia a ti maikasangapulo ket maysa a pasyente ket lalaki nga agtawen ti duapulo ket innem nga agnaed iti Pong-ol, Vigan City, maysa a utility worker nga awanan iti travel history ngem naggurigor, naguyek ken nagsakit iti bagina.
Karaman kadagiti nakapulapol ti pasyente dagiti Locally Stranded Individual ken dagiti Returning Overseas Filipinos.
Nupay kasta, maidalan dagiti lugar a naibilang a critical zone iti extreme enhanced community quarantine, dagiti containment zone iti modified enhanced community quarantine ken dagiti buffer zone iti general community quarantine.
Kabayatanna, ti maikasangapulo ket dua a pasyente ket maysa a babai, agtawen ti duapulo ket walo a taga-Pantay Fatima, maysa a caregiver ken ROF.
Saan a nakarikna ti aniaman a sintomas iti Covid19 ngem adda ti travel history-na idiay Saudi Arabia ken National Capital Region ngem nupay kasta ket bassit laeng ti nakapulapolna ken saan a ma-lockdown ti lugarda ta insigida met a naipan iti isolation facility idi nakasangpet ditoy probinsia.
