VIGAN CITY – Pinasingkedan ni Bombo International Correspondent Juliet Tolete, maysa nga Oversease Filipino Worker idiay Hong Kong a ti kangitingitan iti kumarkaro a pangta ti coronavirus disease 2019 ket natalged iti kasasaadda ngem itultuloy da iti panangpatilnaed da a nadalus iti bagi da tapnu maliklikan iti nasao a virus.
Ti pannaki-uman ti Bombo Radyo Vigan ken ni Tolete, ik-ikkan ida dagiti amo da ti sanitizer ken dadduma pay a hygiene kit ket tunggal rumuarda, nakasuotda latta ti face masks tapno saanda a maakaran ti virus nangruna ta adda ti maysa a trabahador a Chinese ti maysa a panganan iti nasao a pagilian a nagpositibo ti COVID- 19 ket naipasarra payen iti panganan a pagtrabtrabahoan na.
Saan nga ilibak ni Tolete a gapu iti panagbuteng ti kaaduan ket saan a maikkat iti diskriminasyon kadagiti chinese national agsipud ta no dadduma ket awan payen iti umasideg kadakuada.
Kabayatanna, makanayen iti suplay dagiti magatgatang idiay Hong Kong a saan a kas iti kallabes nga agkurkurang ta gulgulpiyen dagiti mapan aggatang.
