VIGAN CITY – Nagbalin nga inspirasyon ken ni IE Rinah Claire Gervacio, taga-Cabusligan, Bantay a graduate iti University of Northern Philippines iti lockdown gapu iti covid-19 pandemic tapno makapasa iti Medical Technologist Licensure Examination.
Iti pannaki-uman ti Bombo Radyo Vigan ken ni Gervacio, narigat iti panagreview-na ta online a naisayangkat ken nagadal a maymaysana.
Segun ken ni Gervacio, ti pannakaisayangkat iti eksaminasyonda ket nasurot iti health protocols kas iti social distancing, panagaramat iti face mask ken face shield.
Impannakkel pay ti amana a ni Ireneo iti balligi ni Gervacio ta naimatanganna iti kinagaget ken kinagaed nga agadal ti anakna.
Innayon pay ni saan pay a nakadesisyon no agtrabahon wenno ag-Medicine.
Kabayatanna, tii duapulo ket uppat a 1st taker ket sangapulo ket walo iti nakapasa idinto a ti tallo a re-taker ket maysa laeng iti nakapasa manipod University of Northern Philippines.
