VIGAN CITY – Innem iti nainayon a kaso iti covid-19 iti probinsia isu nga umaboten iti sangagasut 132.
Ti IS-C127 ket maysa a lalaki nga agtawen ti uppat a pulo ket uppat, Utility worker a taga-Ambalayat, Tagudin.
Nagsakit iti ulo ti pasyente, naggurigor ken nagbubudo iti karabukobna, awan iti travel history-na, nakapulapolna ti probable case ken extensive iti contacts-na.
Maysa babai ni IS-C128 nga agtawen ti sangapulo ket maysa, estudyante nga agnaed idiay Ambalayat, Tagudin.
Naggurigor, naguyek ken nagbubudo ti karabukob ti pasyente, awan ti travel history-na, nakapulapolna iti probable case ken adu iti contacts-na.
Agpapada a nakapulapol da IS-C129, IS-C130, IS-C131 ken IS-C32 ni Covid patient 116 ta ni IS-C129 ket maysa a babai nga agtawen ti tallopulo ket siam nga agnaed idiay Casilagan Norte, Banayoyo, awan iti travel history-na, adu iti contacts-na ken naggurigor.
Maysa a babai ni IS-C130, agtawen ti walopulo nga agnaed idiay Casilagan Norte, Banayoyo a naguyek ken nagpanateng, awan ti travel history-na ken adu iti contacts-na.
Naggurigor ni IS-C131, maysa a lalaki, agtawen ti innem a pulo, negosyante nga agnaed idiay Casilagan Sur, Banayoyo.
Awan iti travel history ti nasao a pasyente ken adu iti contacts-na.
Asymptomatic ni IS-C132 a maysa a babai, agtawen ti duapulo ket dua, estudyante a taga-Casilagan Norte, Banayoyo nga awan iti travel history-na ngem adu iti contacts-na.
