VIGAN CITY – Tallo iti nainayon a baro a kaso iti covid-19 iti probinsia isu nga umaboten iti tallo gasut duapulo ket uppat.
Ni IS-C322 ket maysa a lalaki nga agtawen ti tallopulo ket lima, returning resident, negosyante nga agnaed idiay Brgy. Cabangtalan, Sinait.
Nagpukaw iti panagraman ti pasyente, adda iti travel history-na idiay National Capital Region ken probinsia iti Isabela, high rish area iti exposurena ken limitado iti contacts-na.
Maysa nga estudyante a returning resident ni IS-C323, lalaki nga agtawen ti sangapulo ket pito a taga-Lungog, Narvacan.
Nagpanateng ti pasyente, adda iti trabel historyna idiay San Fernando, La Union, high risk iti exposure-na ngem limitado iti contacts-na.
Kabayatanna, maysa a babai nga agtawen ti tallopulo ket dua ni IS-C324, KSA healthcare worker nga agnaed idiay Brgy. Patong, Magsingal.
Ti pasyente ket asymptomatic, adda iti travel historyna idiay National Capital Region, high risk iti exposure-na ken limitado iti contacts-na.
Gapu iti dayta ket awan iti community containment a maisayangkat ta insigida a nai-isolate dagiti nasao a pasyente.
