Inallukoy ni Senate President Win Gatchalian ti Energy Regulatory Commission (ERC) a pabiiten ti panawen ti panagproseso iti panagakar dagiti consumer iti supplier ti kuryente manipod iti agdama a distribution utility.
Maibasar ti ERC, mabalinen nga agpili dagiti consumer ti kayatda a supplier iti kuryente kasaruno ti bisa ti 100-kilowatt (kW) contestability threshold wenno ti minimum level ti konsumo iti kuryente tapno maikkan ti option nga agpili iti bukod a power supplier.
Kinuna ni Gatchalian nga idi ket 500kW ti contestability threshold.
No ti konsumo ti kuryente kadagiti pagtaengan, babassit a negosyo wenno pagadalan ket umabot wenno naglabes iti nasao a threshold ket saanda laeng a mangnamnama iti distribution utility ta mabalinen nga agpili ti sabali a supplier a naawagan a Retail Electricity Supplier.
Dayta pay ket mabalin a nalaklaka wenno nadaldalus iti pagalaan iti kuryente.
