Nakemmeg ti maysa a construction worker ta tinagbatna ti kapadana a construction worker idiay Barangay Camarao, Narvacan, Ilocos Sur idi rabii April 4, 2026.
Ti suspek ket agtawen iti limapulo ket siam idinto a ti biktima ket agtawen iti duapulo ket pito nga agpada nga agnaed iti nasao a lugar.
Nakaawat ti tawag dagiti kameng ti Narvacan Municipal Police Station ket naipakaammo kadakuada iti napasamak a pannagbat iti nasao a lugar isu nga insigida ti panagrespondeda.
Immunan a naaddaan iti nabara a patangan ti suspek ken biktima idin nangala ti bolo ti suspek ket tinagbatna ti biktima.
Agpadada a nagsagaba iti dunor iti takyag ken luppo isu a naipanda iti Ilocos Sur District Hospital – Narvacan para iti pannakatamingda.
Ti met nakemmeg a suspek ket addan iti kustodiya iti Narvacan Municipal Police Station karaman iti inaramatna a bolo.
