--Ads--
Nakemmeg ti maysa a construction worker a naalaan iti mapapati a shabu ken napagango a bulong ti marijuana iti buy-bust operation iti ili ti San Juan, Ilocos Sur.
Ti suspek ket agtawen iti duapulo ket walo, agnaed iti nasao a lugar.
Nakumpiskar manipud iti suspek ti 1.506 grams ti mapapati a shabu nga aggatad iti P10,240.80, ken 2.272 grams ti mapapati a napagango a bulong ti marijuana nga aggatad iti P272.64.
Naala pay dagiti otoridad ti nadumaduma a non-drug evidence agraman ti buy-bust money, dua a cellphone, motorsiklo, lighter, ken karton ti puspuro.
-- ADVERTISEMENT --
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
