--Ads--
Daan a susik ti mapapati a rason ti pannakabagkong ti maysa a construction worker idiay Barangay Sidaoen, Sta. Cruz, Ilocos Sur.
Ti biktima ket agtawen iti limapulo ket dua, taga-Barangay Villa Hermosa idinto a ti suspek ket agtawen iti uppat a pulo ket siam, taga-Barangay Sidaoen.
Agin-inana ti biktima kalpasan ti panangaramidna iti hollow blocks iti likodan ti gasolinaan ti nasao a barangay idin ta immasideg ti suspek ket inasotna ti kutsilyo sa dinuyokna ti biktima.
Naglibas ti suspek kalpasan ti pasamak idinto a ti biktima ket naipaagas iti ospital para iti naan-anay a pannakatamingna.
-- ADVERTISEMENT --
Mapapati a ti suspek ket nakainom idi mapasamak ti pammagkong.
Addan iti natalged a kasasaad ti biktima idinto a nakemmeg metten ti suspek.
