Mabalin a mamuelta iti agingga P300 bilion ti construction firms a kukua ti kontrobersial nga agassawa a da Curlee ken Sarah Discaya gapu iti mapapati a nasurok sangaribo a kontrata iti flood control, segun iti Department of Public Works and Highways.
Pinasingkedan ni DPWH Secretary Vince Dizon, naala dagiti kompania a kukua ti Discaya ti 1,214 a flood control contract manipud 2016 agingga 2025 nga aggatad iti P77.93 billion.
Gapu dayta, kinuna ni Dizon nga umabot iti P300 bilion ti muelta a mabalin a maipila kontra kadagiti Discaya gapu ta ti kangatoan a pannusa ket P250 milion kada kontrata.
Naiwaragawag daytoy kalpasan nga inted ti DPWH iti Philippine Competition Commission dagiti dua a kaso ti bid-rigging a nakairamananan dagiti flood control project.
