Rugian ti Commission on Elections (COMELEC) ti panagimprenta kadagiti opisial a balota para iti Bangsamoro Parliamentary Elections (BPE) inton September 8 iti National Printing Office idiay Quezon City.
Umabot iti nasurok 2.3 milion a balota ti mayimprenta ken manamnama a malpas iti uneg ti pito nga aldaw karaman ti proseso ti beripikasyon kas pinasingkedan ni COMELEC Chairman George Erwin Garcia,
Naitantan ti umuna nga schedule ti panagimprenta kalpasan a nakaawat iti impormasion ti ahensia a mabalin a maapektran ti ballot face template gapu iti linteg nga agre-distribute ti pito nga parliamentary seats ken ti nagbalin a desision ti Korte Suprema a saan a mairaman ti Sulu iti Bangsamoro region.
Maaramid pay ti adjustment iti deployment kadagiti election paraphernalia gapu iti napasamak a panagakar ken masimpa dagiti Consolidated Canvassing (CCS).
Impasigurado ni Garcia a matuloy ti parliamentary election inton Oktubre 13 ket adda pay laeng iti umdas a tiempo ti poll body para kadagiti mabalin a mabaliwan.
