--Ads--
Nakaiproseson ti Commission on Elections iti nasurok 7.4 milion a voter application manipud narugian ti registration period para iti 2025 national and local elections.
Iti nairuar a rekord, agingga idi Setyembre 30 ket addan ti 7,436,555 a bilang dagiti nagparehistro.
Manipud iti nasao a bilang, 3,630,968 dagiti lallaki ken 3,805,587 dagiti babbai.
Ti voter registration period para iti May 2025 midterm polls ket nangrugi idi Pebrero 12 ken nagpatingga idi Setyembre 30.
-- ADVERTISEMENT --
Nayatiddug met iti maysa nga aldaw ti deadline idiay Batanes ta nasuspenso ti operasyon ti local Comelec office gapu iti bagyo Julian.
