Nagpanawagan ti Commission on Elections iti Philippine National Police nga ipatungpalda ti warrantless arrest kontra kadagiti matiliwanda nga aggatgatang iti botos.
Segun ken ni COMELEC Chairman George Garcia, ti warrantless arrest ket ipalpalubos ti 1987 constitution ken dagiti desisyon ti Korte Suprema, nangruna no ti akusado ket naaktuan a mangar-aramid iti krimen.
Binalakadan ni Garcia ti publiko nga ivideo dagiti insidente ti vote buying and selling kas ebidensya, ta ti asino man a matiliwan ket mabalud iti agingga innem a tawen ken perpetually disqualified-da a mangiggem iti pampubliko a posisyon.
Ti resolusyon ti COMELEC ti mangipalubos iti warrantless arrest kas paset iti addang a malabanan ti vote-buying, vote-selling, ken panangabuso iti pagilian.
Dagiti makumpiskar a kuarta, sample ballots, ken dadduma pay a campaign materilas ket dagus a maala kas ebidensya, idinto a dagiti akusado ket maipan iti kapulisan para iti kaso.
Dagitoy nga addang ket paset iti napabileg a kampanya ti COMELEC ken PNP kontra vote buying and selling tapno nadalus ken napudno ti eleksyon ita a tawen.
