Binalakadan ti Commission on Elections dagiti napili a tattao iti local absentee voting a naituding inton Abril para iti 2025 midterm elections.
Segun iti COMELEC, amin a government official agraman dagiti miembro ti Philippine National Police ken Armed Forces of the Philippines ken media practitioners agraman ti technical ken support staff da a temporary a naka-assign tapno akman ti election duties wenno tapno icover ti eleksion ket mabalin nga agavail iti local absentee voting para iti panagbibinnotos ita a tawen.
Dagiti government official ken miembro ti AFP ken PNP ket mabalin nga agipila iti aplikasyonda a saan a nalablabes ngem inton March 7, 2025.
Para kadagiti miembro ti media, mabalinda ti agipila iti aplikasyonda iti nadakamat nga aldaw.
Ti Local Absentee Voting ket mapasamak inton Abril 28, 29, ken 30 iti alas otso iti agsapa agingga alas singko iti malem.
