--Ads--
Nagpalagip ni Commission on Elections Chairman Erwin George Garcia a maipatpatungpal pay laeng ti gun ban uray nalpasen ti eleksyon.
Segun ken ni Chairman Garcia, nadlawda nga in-inut nga umad-adu ti matiltiliwanda nga aglablabsing iti gun mano nga aldaw kalpasan ti eleksyon.
Gapu dayta, maiparit pay laeng ti panagikot iti paltog uray no adda registration ken permit-to-carry ngem awan ti exemption-na manipud iti Comelec.
Agingga ita ket adu pay laeng ti naidatag a checkpoint ken posible a matiliw dagiti awan ti gun ban exemption-na.
-- ADVERTISEMENT --
Innayon ni Garcia a karaman kadagiti kaso a sangwen dagiti matiliw ti illegal possession ken panaglabsing iti Comelec gun ban.
