--Ads--
Inlawlawag ti Commission on Elections (COMELEC) a saan a maaramat ti people’s initiative para ti impeachment ti siasinoman nga opisyal ti Voter Information Sheets (VIS).
Dayta ket iti baet ti report nga adda dagiti botante a nagpirma ti acknowledgement wenno agaw-awat ti VIS gapu iti buteng a maaramat dayta iti signature campaign.
Segun ken ni Comelec Chairman George Erwin Garcia, kasapulan ti pirma ti botante iti dokumento kas pammaneknek a naawat ti information sheet.
Aminado ni Garcia a karit kadakuada ti distribusyon ngem napateg pay dayta a maammoan nu husto ti address nga inted dagiti nagrehistro.
-- ADVERTISEMENT --
Babaen pay dayta ket maammoan nu siasino iti mabalin a makasoan wenno maikkat ta saan met nga agnanaed iti nakaipan nga address.
