Impakaammo ti Commission on Elections ti sumagmamano a panagbaliw iti physical features ti balota a maipatungpal iti umadani a Bangsamoro Parliamentary Elections inton Setyembre 14.
Segun ken ni COMELEC Chairman George Erwin Garcia, maaramaten iti balota ti BARMM elections ti 25% shading threshold.
Daytoy ket uray saanen nga is-shade a nalaing ti bilog iti balota basta umabot iti minimum a 25% shading wenno mabalin latta daytoy a mabasa wenno mabilang ti Automated Counting Machines (ACMs).
Gagem ti addang a maikkatan ti bilang dagiti balota a ma-reject gapu iti saan a naan-anay a panag-shade dagiti botante.
Sukatan met ti poll body dagiti marking pen a mausar iti eleksion, imbes a water-based ink, oil based link ti maaramat tapno nadardaras nga agmaga ti ink ken maliklikan a maabotan ti balota.
