Idurduron ti Comelec ti pannakaipasa ti linteg nga otomatiko a mangingato iti honoraria ti Electoral Board members tunggal eleksyon.
Segun ken ni Comelec Chairman George Garcia, adda gakatda nga automatic increase iti honoraria per election basis, imbes nga umapelada iti additional pay tunggal eleksyon.
Kunana a kada eleksyon ket ngumatngato ti bayad kadagiti poll worker isu a nasken a pagbalinen laengen nga otomatiko ti umento.
Iti naglabas a May 12 elections, ti honoraria rates para kadagiti electoral board members ket P13,000 para iti chairperson, P12,000 para iti poll clerk ken third member, idinto a P9,000 para iti support staff.
Kabayatanna, ti baro a rates para kadagiti volunteer staff members manipud iti Department of Education ken P12,000 para kadagiti supervisor; P9,000 para iti administrative support staff idinto a P10,000 para iti tech support staff.
