Pinasingkedan ti Commission on Elections a ti automated election law ket kasapulan a maamyendaran wenno adda baro a linteg a maipasa tapno maipatungpal ti manual recount ti botos idi May 12 midterm elections, ken mailatangan ti pondo.
Inlawlawag ni Comelec Chairman George Garcia a gagem ti Republic Act No 9369 wenno ti Automated Election Law nga adda ti full automated polls, ken saan a manual counting.
Ngem nupay kasta, kunana nga iti linteg ket maimandato ti random manual audit nga isu ti mangcheck iti balota manipud kadagiti napili a clustered precincts.
Ti election protest ti kakaisuna a wagas para iti manual recount ti botos, kasaruno ti panawagan ni detained senatorial candidate ken religious leader Apollo Quiboloy para iti manual recount.
