Impanamnama ni ACT Teachers Partylist Rep. Antonio Tinio a maaddaan iti major changes iti classroom observation kadagiti mangisursuro kalpasan ti pannakatay ti maysa a public high school teacher idiay Muntinlupa a natalimudaw kabayatan ti evaluation.
Iti pannaki-uman ti Bombo Radyo Radyo Vigan ken ni Tinio, nakasaritadan ti Department of Education mainaig iti nasao a banag ket impasigurado ti ahensia a sisasaganada iti posible a panagbalbaliw kadagiti maipatpatungpal nga addang.
Sumagmamano kadagiti posible a maipatungpal ket ti pannakaikkat ti full classroom observation ken saanton a maaramat daytoy a pagibasaran iti performance rating dagiti mangisursuro.
Bigbigen ti kongresista ti pressure kadagiti mangisursuro para kadagiti clasroom observation isu a babaen iti pannakikammayetda iti nasao nga ahensia ket posible nga agbalinto laengen a 5-10 mins walkthrough ti classroom observation.
Iti agdama, mayur-uray dagiti guidelines nga yulog ti DepEd iti daytoy a banag.
