Sinigurado ti Philippine National Police-Criminal Investigation and Detection Group (PNP-CIDG) iti pamilia ni Rene Baterbonia a nakasuportar ken nakasubaybayda iti kaso ti natay nga student athlete.
Segun ken ni CIDG Director PMaj. Robert Morico II, malaksid iti nasao a suportar ket gagem ti nasao a panagpaayab iti pamilia Beterbonia a maipakaammo ti resulta iti imbestigasyonda.
Naammoan a nagturong ti ina ken ama ni Rene iti opisina ti CIDG idiay Camp Crame Quezon City.
Kinuna ni Morico a ti nasao nga open invitation ket saan laeng a para ti pamilia Baterbonia no diketdi parta kadagiti ahensya iti gobierno nga agim-imbestigar iti nasao nga insidente karamanen ti school authorities tapno ipakaammo ti resulta iti insayangkatda nga imbestigasyon.
Maipalagip nga inrekomendar ti CIDG iti Department of Justice (DOJ) a makasoan ti hazing dagiti sangapulo ket maysa nga indibidual pakairamanan ti coaches ken staff iti Ateneo Men’s Basketball Team maipanggep ti pannakatay dagiti dua a basketball player-da.
