--Ads--
Vigan City – Saan a namnamaen ti Commission on Human Rights iti bigla a panangpirma ni Presidente Rodrigo Duterte iti Anti-Terrorism Act.
Iti pannaki-uman iti Bombo Radyo Vigan ken ni CHR Spokesperson Atty. Jacqueline de Guia, nakigtotda iti inaramid ti presidente ta adu iti nagpanawagan inaig iti panangkita kadagiti dadduma a probisyon iti nasao linteg tapno masigurado nga awan iti maisagmak.
Ngem no pay kasta ket mangnamnama ti CHR a saan a maabuso iti nasao a linteg ta impasigurado dagiti agpanpanday linteg a respetoenda iti karbengan dagiti tao.
Innayon pay ni De Guia a maaddaan laeng iti bileg iti seguridad iti linteg no makikammayet dagiti pannakabagi ti linteg ken lokal a gobierno kadakuada.
-- ADVERTISEMENT --
