Saanen nga agawat ti Philippine Coast Guard (PCG) ti Chinese volunteers iti auxiliary force kas pinasingkedan ti maysa nga spokesperson.
Ti addang ket kas balakad ti Armed Forces of the Philippines (AFP) iti national ken local government manipod infiltration ti hostile forces iti vital sectors iti kagimungan.
Segun ken ni PCG Spokesperson for the West Philippine Sea Commodore Jay Tarriela, ti bilin a saan a mangawat kadagiti Chinese volunteer iti PCG Auxiliary ket nagtaud manipod ken ni coast guard commandant Admiral Ronnie Gil Gavan.
Innayonna nga addan dagiti inikkatda a Chinese national iti PCG Auxiliary.
Kabayatanna, nagballaag ni AFP Chief General Romeo Brawner Jr. iti publiko kontra ti pannakitrabaho iti China ta mapapati a gagemda nga impluwensaan iti agduduma a sector iti pagilian kas iti edukasyon, negosyo, local governments ken media.
