VIGAN CITY – Linapdan ti China Coast Guard vessel ti Philippine Navy Rigid Hull Inflatable Boat a kargana dagiti agsakit a personnel ti Pilipinas para iti medical evacuation idiay Ayungin Shoal.
Segun kenni Commodore Jay Tarriela, PCG spokesman for the West Philippine Sea, ti PCG High-Speed Response Boat ket hinarass dagiti bangka ti China babaen ti pananglappedda iti dalan idi May 19 ti agdama a tawen.
Iti laksid ti panangipakaammoda kadagiti kameng ti China ti sitwasyon babaen ti radio ken public address system a maipapan ti humanitarian mission para iti medical evacuation, nagmaniobra dagiti bangka ti China ken ingagarada a dinungpar ti bangka ti Pilipinas.
Nupay kasta, natalged a naibiahe dagiti masakit ken naidanoon iti kaasetgan nga ospital para ti naan-anay a pannakatamingda
