VIGAN CITY – Kaso nga illegal possession of firearms and ammunition act ti sangwen ti suspek a ni Ermel Inigo, agtawen ti uppat a pulo ket uppat, maysa a driver, chief tanod ken agnaed idiay Brgy. Allangigan 2nd, Candon City.
Ti suspek ket nakemmeg babaen iti search warrant operation nga inwayat dagiti kameng ti Candon City PNP, 2nd ISPMFC ken ken Provincial Intelligence Branch – Ilocos Sur Police Provincial Office (PIB- ISPPO).
Ti warrant of arrest ti suspek ket inparuar ni Magnolia Cayetano, Executive Judge iti RTC Branch 56, San Carlos City, Pangasinan a napetsaan ti January 17 iti agdama a tawen.
Naala iti uneg ti pagtaenganna ti dua a piraso ti bala iti caliber 30 carbine, maysa a bala ti caliber 45, lima a piraso ti empty cartridge case iti caliber 45, tallo a piraso ti empty cartridge case iti caliber 38 ken dua a piraso ti fired bullet iti caliber 45.
