VIGAN CITY-Pinasingkedan ni President Ferdinand Marcos Jr., a kasapulanna pay ti naan-anay nga oras a mangpili iti kasukat ni Vice President Sara Duterte kas DepEd Secretary.
Segun ti Chief Executive, saanna a ninamnama a narigat iti agpili gapu ta ikonkonsiderarna no ania ti kasapulan ti DepEd, kangrunaan ket adu iti agbalin nga akem ti Education Secretary.
Para ken ni Marcos, ti kayatna a DepEd Secretary ket addaan iti pannakaawat iti panagbalin nga educator, ken kabaelanna ti mangidaulo.
Inyunay-unayna pay nga iti sumaruno a sekretario ti ahensia ket rumbeng a makatulong kadagiti mannursuro ken estudiante, ken mangpangato iti test score, isu a kasapulanna iti agpili no sino iti makaawat ti bureaucracy, ken makaawat no kasano nga usaren a nasayaat ti budget ti DepEd.
