Nagpanawagan ni dati nga Ilocos Sur Governor Chavit Singson a rugian nga imbestigaran ti anomalya iti flood control projects iti Ilocos Norte a probinsia ni Presidente Ferdinand Marcos Jr.
Iti presscon ni Singson, kinunana a saan a nakapap-papati ni Marcos ta dagiti mapabpabasul ita a Discaya ket isu pay ti maysa kadagiti nakontrata kadagiti flood control project iti nasao a probinsia.
Innayon ni Singson a no ur-urayen laeng ti Senado nga agimbestigar ket posible a mabayagan pay ti proseso, ken saanen a nasken a parigaten dagiti umili nga agprot-protesta kontra korapsion.
Allukoyenna dagiti agtutubo nga idaulwan dagiti protesta ta daytoy ket para iti masangwananda.
Malaksid dayta, kinuna pay ti dati a gobernador a saan laeng a flood control ti ayan dagiti anomalya iti gobierno, nga isunto ti ibutaktakna iti masangwanan.
