Binanatan ni dati nga Ilocos Sur Governor Chavit Singson dagiti maipagarup a pammabasul kenkuana ni Palace Press Officer Undersecretary Claire Castro.
Segun ken ni Singson, kasla “attack dog” ti Malakanyang ni Castro gapu kadagiti pammabasolna kontra kenkuana.
Maipalagip a nagkiddaw ni Under-secretary Castro ti tulong iti Philippine National Police ken Department of Justice tapno imbestigaran ti panawagan ni Singson a nasken nga agikkaten ni Presidente Ferdinand Marcos Jr. iti puestona.
Inakusaran pay ni Castro ni Singson a nakikammayet isuna ken ni Bise Presidente Sara Duterte gapu ta maipagarup a saan a naited ti kiddawna a posision iti Philippine Charity Sweepstakes Office (PCSO).
Pinasingkedan ti dati a gobernador a no adda ti kinapudno dagiti pammabasolda kontra kenkuana ket nakasagana a maibalud. | Reynand Fontejon
